ឃាត់ខ្លួនបុរសម្នាក់ដែលចាក់សម្លាប់ប្រពន្ធនៅក្នុងបន្ទប់ផ្ទះជួលដោយមិនដឹងមូលហេតុ
02-July-2016 | ដោយ មែន កំសត់
ភ្នំពេញ៖បុរសដៃឆៅម្នាក់ដែលធ្លាប់ សំឡេះគោប្រលះយកសាច់លក់ដោយមិនញញើតដៃនោះត្រូវបានប៉ូលិស ព្រហ្មទណ្ឌខណ្ឌជ្រោយចង្វារឃាត់ខ្លួនយកទៅសាកសួរនៅអធិការដ្ឋាននគរបាល ខណ្ឌជ្រោយចង្វារបន្ទាប់រូបគេចាក់សម្លាប់ប្រពន្ធខ្លួននៅក្នុងបន្ទប់ ផ្ទះជួលផ្លូវបេតុងក្រុម៧ភូមិដើមគសង្កាត់ជ្រោយចង្វាខណ្ឌ ជ្រោយចង្វារាជធានីភ្នំពេញកាលពីវេលារំលងអធ្រាត្រចូលថ្ងៃទី២ខែកក្កដា ឆ្នាំ២០១១៦។
ប៉ូលិសបានឲ្យដឹងថាបុរសដៃដល់ដែលចាក់សម្លាប់ ប្រពន្ធនោះមានឈ្មោះប៉េវ៉ាន់សាក់អាយុ៣៤ឆ្នាំមុខរបររកស៊ីកាប់គោ នៅកុងស៊ីកាប់គោជ្រោយចង្វារស្នាក់នៅផ្ទះជួលកើតហេតុខាងលើនិងមាន ស្រុកកំណើតនៅភូមិព្រែកសណ្តែកឃុំព្រែកសណ្តែកស្រុកស្រីសន្ធរខេត្ត ព្រែវែង។
ចំណែកស្ត្រីរងគ្រោះដែលត្រូវប្តីចាក់សម្លាប់នោះ មានឈ្មោះទូឡោះម៉ាយ៉ានអាយុ២៨ឆ្នាំមុខរបរលក់សាច់គោស្នាក់នៅបន្ទប់ ផ្ទះជួលក្រុម៧ផ្លូវបេតុងភូមិដើមគសង្កាត់ជ្រោយចង្វាខណ្ឌ ជ្រោយចង្វាររាជធានីភ្នំពេញ។ចំណែកមូលហេតុនៃការសម្លាប់ប្រពន្ធដ៍ឃោ ឃៅនោះសមត្ថកិច្ចមិនទាន់បញ្ជាក់ទេដោយកំពុងសាកសួរនិងស៊ើបអង្កេត។
បច្ចុប្បន្ន បុរសដៃដល់ត្រូវបានសមត្ថកិច្ចខណ្ឌជ្រោយចង្វារឃាត់ខ្លួននៅ អធិការដ្ឋាននគរបាលខណ្ឌជ្រោយចង្វារដើម្បីសាកសួរនិងកសាងសំណុំរឿង បញ្ជូនទៅកាន់តុលាការ ចាត់ការបន្ត ៕
ចំនួនអ្នកទស្សនា
- ថ្ងៃនេះ10031
- ម្សិលមិញ14181
- សប្តាហ៍នេះ10031
- ខែនេះ125181
- ឆ្នាំនេះ125181
- សរុប20567637